...hate and replay

最近其實好忙。

真係好鬼忙。

忙住應酬，成鬼日出街，依排都成日出街，出到我破哂產，日日都有人約，功課又多，又要堅持睇戲。一時間覺得有好多野要寫，相對地又有好多野（同一ｄ野）唔需要寫，反正每日既生活係唔同，亦係相同，寫黎寫去都係行街買野睇戲食飯柯屎，另外心有牽掛，掛住份功課，玩得黎都唔暢快。

所以星期日唔出，想專心ｄ做野，最後阿哥ｄ死人朋友殺哂上黎，我唯有係房度傾電話。

最近怒睇漫畫，睇左＜魁！！天乒高校＞既一至八期，我真係睇得好開心。同咪買左本恐怖漫畫叫＜Ｍａｉｌ＞，作者似乎想整一種特別既感覺，但我又覺得好普通。

電影就睇左＜斷背山＞同＜傲慢與偏見＞，其實呢兩套戲都算係唱緊同一支歌仔，節奏小同大異，對於佢地拎咁多獎，我有ｄ迷茫。

依家仲做緊功課，仲係好迷茫，怕且有排做，聽日又要早番，一番就連續番五粒鐘，真係唔叫聲「媽咪」都唔得……