無聊地聽歌

依家悶悶地，心情差差地，唔想聽太Dry既歌…所以下載緊D紅到嘔但我一直無去聽既band/singer既歌…如宇多田光、B'z。

其實向來對大紅大紫既野不大能接受…變得對個d流行野好唔清楚發生緊咩事。於是，通常同人傾開某Topic（音樂電影），總有唔知既部份……於是，聽番呢ｄ野當增加自己知識啦。

想聽B'z係因為松本孝弘，聽過佢ｄ　ｓｏｌｏ非常有感情，細膩又寧靜。改編歌曲一樣彈得有聲有味，技巧更係一流。查下查下，發現原來佢竟然係B'z既結他手…。

in my world，B'z係兩條老野，熱血，唱左咁耐都死唔去仲有好多歌俾佢地唱，即係紅左勁耐（佢地好似最近開始係香港紅…唔知啦），即係成個日本俾佢玩哂，因為Ｘ　ＪＡＰＡＮ解散左。記憶上佢地唱過無數咁多首動畫／遊戲／電影劇／廣告主題歌，玩某隻遊戲見識過，個主音係就係有實力，但ｄ感情多到流，聽得多都煩，係咁多。

查番佢地Ｄ野，先知主音稻葉浩志又靚仔又fit仲要姣姣地…Shit我想嘔…咁屎老就咪扮野啦…………相信佢本人一定好自大。不過佢真係幾好睇我先唔gur……如果佢走型仔沉默路線咪幾好，可惜佢行性感路線……ｓｈｉｔ……稻葉先生你唱緊既歌同你既型象真係唔夾到痺。

查下查下先發現佢地係bl界好受歡迎……陰公啦松本……

總之搞到我更加唔鍾意個主音…點解我會咁反感呢？又唔識佢……唔通所有扮野自大既靚仔同我無緣？唉。

蘇花佢地ｄ歌又真係幾好聽既，又真係幾有實力。暫時幾喜歡ｇｏｌｄ呢首歌，聽左十幾首人地推介感覺都係一般。咪一般日本主流歌囉！

一聽到把主音聲又自動熄左結他手Ｄ結他ＴＩＭ，唉。

至於宇多田光……都係感情多到流，但因為佢係女人我頂得順，再者佢唔靚。（雖則都係好紅）另外，佢既唱歌技巧上就大家都覺得好似慢慢退步？＝．＝　不過佢唱歌不嬲都唔夠氣（Ｄ日本人就係鍾意呢樣野，錯哂）　聽番佢成名作「first love」…無感覺。再聽多幾首，咪又係咁！

雖然呢ｄ歌對我黎講係悶又無咩變化，但有時Dry過沙漠時都可以調劑生活……再加上識唔到人鍾意聽靜歌，又或者打麻雀時需要播輕快既歌。其實聽歌好講心態，我咁既心態又點可能欣賞到佢地……（不過通常去ｌｉｖｅ聽快歌／流行搖滾會易接受好多）

希望快ｄ搵到ｏ岩嘴型既流行歌。 遲ｄ準備煲娜姐ｄ歌。

無記漏的話，有實力既主流音樂暫時得Mr Children頂得住。（依家連Orange Range都唔想聽…而色情塗鴉唔多算主流啦）


我都係死番去畫畫算啦。