what will i do

想用口語講。

呢個星期開始就進入Make-Up Class week，故而之即係補課週啦。而係呢個重要既時刻，我選擇走哂Ｄ堂佢。

雖則話走哂佢，但空左出黎既休閒日子好無目的，做咩都無幹勁，呢種日子真係好辛苦。想去海灘偏偏自己又月事到，想去濕地公園呢幾日又係咁落雨，想搵份工做，打左成十幾封求職信，好啦，終於有一份ｉｎ我我又走左去唔想見工。

就係咁無幹勁，我自己都火都黎埋，好辛苦。開碟睇又想發老脾，公仔又畫唔到幅，漫畫小說之類睇左陣都無咩心機。仲有，之前一直都話想學野，未想學住，我諗呢樣就遲下有個Ｅｘａｍ事。唔想係考試之前咁煩心吧？但係自己又唔想讀落去，唔想咁無目的咁讀……但係前途又未諗好。唔好睇我份日ｈｅａ下ｈｅａ下，其實我又好多野都諗得好深入…識我既人都會覺得我諗得太多，勸我諗少Ｄ，做多Ｄ。

於是乎我依家真係好「蚊」。係今日，星期三既下午，我決定出去逛一逛。同啊朋友仔傾，度度都唔想去，真係煩到嘔。

不過突然之間諗番起自己想種花呢件事，成個人有哂活力。我地就去左花墟啦。查實我都知花墟無ＭＵＤ地方會賣種子，只係想去睇下咁。

行啊行啊，原來種花真係唔可以室內種，但依家我地成層樓要大修，無得擺ｄ花仔出去曬太陽。問個ｄ老闆娘，佢話其實呢個季節本來就唔係太ｏ岩種花，尤其我地呢ｄ新手就更加咪搞。聽完都有ｄ死心，天時地理人和三樣都無。不過我都仲係想種花，話說我屋企附近都有ｄ呢賣種子既地方，遲ｄ去睇下。

然後就走圍行，買左兩件衫＆一條褲，幾令啊……幾開心。

行街既時候就慢慢諗番起一ｄ自己想做既野，比如去電個髮咁。聽日又有野做啦，就係電髮。

之後其實自己發現最想做既事就係四圍遊，遊下離島遊下澳門咁，當堂有哂目標。好想走圍去旅行，好想做個寫意人。ｈｅ，之前同朋友仔傾出國既事，我倆都係大自然愛好者（都係識耐左先知），但選擇國家有分歧。我想去紐西蘭佢想去愛爾蘭，我要森林佢要大草原，哎呀都唔知點好。

同佢識落又發現其實同佢都幾似，大家都算幾鍾意影相，睇書，睇戲，聽冷門英文歌。雖然唔係口味完全一樣，但係偶爾都發現大家鍾意、有興趣既野都幾相近。比如我地都好鍾意睇天文學既書（依樣野真係好意外），但又會睇到一半無睇落去。睇ｄ咩＜人性的缺點＞睇到一半就會發脾四，對ｄ星相命理、哲學之類既野又幾有興趣，對花痴啊情深人士都覺得難頂，最夾個樣莫過於鍾意自嘲，兩條ｄｒｙ友嘲嘲嘲又一日，真係無聊。呢樣就因為我地本身睇野既角度都幾一致（一樣咁灰），真係無聊。

當然都有唔同既地方啦，我內裡老積過佢但外表後生過佢……ＸＤ　仲有，我覺得佢都幾飄忽，不過佢善良過我，……是鬼但啦，希望可以一直做朋友。我第一次搵到個有共鳴既朋友。

好難得我會講朋友，一直會講起「好朋友」都會話佢好可愛，好好人之類。雖然我無話好鍾意佢，唔知呢。

無啦啦做ｍｕｄ講起佢咖？明明想講自己ｄ大計，哈哈。我想賺錢，去旅行，扮靚，聽歌，讀多ｄ書，學畫人體畫……我已經唔知到人生有咩係重要，我真係唔知……

去旅行大計！

首先我要遊遍哂個香港，嘿嘿嘿。我要用相機影低佢，我要買部菲林單鏡反光機，仲有咩呢……