My Name Is Fame

家下又係港產片啦。

呢套係＜我要成名＞。諗住輕輕鬆鬆咁睇番場戲。遲ｄ先睇沉重ｄ既黑白道。（又係港產）

最近ｄ港產真係好睇。

絕對低成本加少宣傳，內容都幾唔錯咖。雖然好似好真實咁講緊係娛樂圈度打混既人既酸酸苦苦，佢更加想講既係人生。人生如戲嘛。問世間有幾多人到中年後仍有發揮之地呢？最緊要自己唔好放棄自己。

當然更加了解電影人心態更加同呢套戲有共鳴。

不得不讚緊係黎耀翔…台詞精警嘛。無論咩戲，有佢做配角實搶左唔少分。做賤人又得，搞ｇａｐ又得，上年扮變性人仲入型入格。最近睇電影開始見到佢既蹤影，好開心佢加入電影界啊！可惜如佢自己所講「當個俾人公認有演技，但又唔紅既藝人，更加係『命』黎咖！」，希望佢有受認可既一日啦。（同咪唔好俾本身既形象鎖死住）

唉，好愛佢。