cannot sleep

因為屋企人所以今day都無出街，結果夜晚眼光光等天光……

睇左本書叫＜我在伊朗長大＞（面紗篇），其實係一本伊朗人畫既漫畫，好嚴肅咁批評政治、戰爭、共和思想，同記錄伊朗既真面目。

呢本漫畫其實係好黑暗，內裡講左好多唔公平既事，偏偏女主角就係一個希望世界可以公平既人，因為世界既黑暗而令人嚮往共和主義，卻又因為共和主義令好多人踏上末路……

另外本書其中一段講「辯證唯物主義」入面，笛卡兒同馬克思既對話好令我印象深刻。突然從哲學入面醒覺過黎，因為向來我對笛卡兒既自我認知論（即係我思故我在）非常崇拜，ｂｕｔ依家比馬克思三言兩語搞掂左。

不過唯心又好，唯物又好，兩者都係互取……不過暫時對唯物主義唔太認識，對唯心主義又知ｄ唔知ｄ咁，遲ｄ再諗。

個人而言係非常之鍾意呢種漫畫書，尤其呢種畫風非常引人入勝，例如＜瘋狂約會美麗都＞個種另類畫風好吸引我，或者＜小王子＞、＜失落的一角＞呢類插圖都深深討我喜歡。反而幾米個Ｄ就無ＭＵＤ興趣……

我始終認為最簡單既畫風先可以引起我地內心最真摰既感情。

不過自己一直對於深入描寫戰爭（由其用細路角度咁寫）都會睇到好窒息。

Ａｎｙｗａｙ可以睇到呢本書覺得好開心。：３