29 歲既我
對上一次係4年前
我好耐無打日記
可能轉用左facebook呢類交友網去抒發多愁善感
又或者多左用言語表達自己
偶爾一年入面都會寫一篇日記,但最後唔知放左去邊
或者以後都係mark 哂落呢度就好,歸一D。
其實我都唔見左唔記得左呢度,有時要講緣份
好似房入面部pc 我無用2年
用慣左mac,連打字都有D吃力,唔慣個輸入法又唔慣個keyboard
唔慣新細明體,kaka我比較喜歡微正軟體
不過仲係幾滿意window 7
明明ARM ARM用mac 覺得十個唔方便..
(最後因為死機我妥協用番Francis部 Mac.)
睇番舊日記,好似可以同過去既自己對話…雖然只係單向
原來不經覺變左咁多
xanga呢類初型網上日記已經被淘汰
已無緣睇番更細更mk 既自己哈哈
喺教育城d 16歲留言令我極度自我厭惡哈哈…
有好多野想講,記低有咩改變都好?
當中有喜有悲
- 雙親過身
25歲既我應該發夢都無諗過呢日會快成咁
都走3年同2年。我仍安好:) 最起碼識煮飯XD
仆街廢姑我唔想提
- 遊戲公司任職畫師
當中有好多喜與悲,我討厭呢間公司中被迫體會既人性黑暗面
辨公室政治要使假人婚外情收兵小圈子被欺凌被抹黑
但幾經辛苦努力又用人脈做到往時既理想
從中學習畫畫(雖然我完全未夠班)
仲可以識到依家個男朋友
相對起黎,個D 苦簡直濕濕碎
- 有男朋友仲同埋居
講到佢真係好多野想講
由一開頭完全無可能,以為佢係hehe又知佢有同居女友
年紀細又滿口大話又幼稚
好多種緣份安排下行到今日
原來佢會好錫我好珍惜我而且好欣賞真既我仲好保護我
意見又夾興趣又夾態度又MATCH
可以一齊睇好多好戲
又一直有成長而且越望佢越靚仔hehheheeeeeeeeeee
當然佢都有缺點間中都有磨擦
我地都會好誠懇咁磨合番
或者因為咁,到今日都熱戀期咁但比以前更愛佢
查實無諗過會有咁幸福既一日
對比起黎,以前ge戀情簡直係SHIT XDDDDDD
可能我係為左同佢行一世所以之前27年要過得咁Sad
我想一直同佢行一直咁開心:) 努力做好自己吧:)
- 一個人遊巴黎
我居然可以咁大膽一個人出國仲要去亞洲以外既地方
去之前驚到震,去之後快樂無比
個份快樂好滿足好深刻
原來我可以咁獨立咁聰明咁勇敢又保護到自己
HAHA
可以全身去欣賞一個異文化好幸福
- 旅行
父母走左我好似癲左咁狂去旅行
2年去左5次?
京阪之旅坐飛機回港仲偷喊左出黎
好掛念媽媽總會到機埸接機
之後去左 清邁、新加坡、名古屋、巴黎,全部都好鍾意:)
後來同男朋友一年內都去左3個國家旅行( 2次日本XD)
荷蘭同柬埔寨比到好大文化沖撃
尤其後者,感受好深,明白自己既福氣
東京之旅嘈左好多交但只令我地更恩愛<3 nbsp="" p="">(其實腸胃唔好仲成日咁做我有D 佩服自己)
- 朋友們
最主要係同SALLY 有變化,同佢距離漸大:(
我思考緊除左接受仲可以點使
有得就有失嗎?我以為我地既友情經唔起考驗
原來係佢經唔起考驗
打左好耐十個累,雖然比唔到過去既我睇
但將來既我唔好笑我呀><
3>